Великий сонм святых новомучеников Российских, пострадавших в XX веке, — молитвенники и предстатели за Россию. Епископы, священнослужители, монашествующие и миряне вместе с Царской Семьей засвидетельствовали во время гонений свою веру, надежду, любовь ко Христу и Его святой Церкви даже до смерти. Русская Православная Церковь с любовью хранит память о них.

Молитвы о России святым новомученикам и исповедникам Российским

Святии новомученицы и исповедницы Церкви Российския, услышите усердную мольбу нашу! Вемы, яко неции от вас, еще отроцы суще, послушающе о древлих страстотерпцех, в сердце своем помыслиша, колико прелюбезно и доброхвально есть таковым подражати, ихже не муки, ни смерть не разлучиша от любве Божия.
Благо же вам, яко последовали есте вере и терпению тех, и поелику на всякое время возможно есь наити на ны испытанием нечаянным, испросите от Господа нам мужества дар, иже толико благопотребен есть в житии человечестем.

Вся концы Отечества нашего страданьми своими освятившии, яко общии за вся ны молитвенницы, умолите Бога избавити Отечество наше от ига, ужаснейшаго паче всякаго инаго. И да отпустится нам и всему роду нашему грех, на народе российском тяготеющий: убиение царя, помазанника Божия, святителей же и пастырей с паствою, и страдания исповедников, и осквернение святынь наших. Да упразднятся расколы в Церкви нашей, да будут вси едино и да изведет Господь на жатву делатели Своя, сиесть да не оскудевает Церковь пастырьми добрыми, иже имут просвещати светом истинныя веры столь великое множество людей, вере ненаученных или от веры отвратившихся.
Недостойни есмы милости Божия, обаче страданий ради ваших Христос Бог наш да ущедрит и помилует всех нас, в помощи вас призывающих. Мы же Ему, Спасителю нашему со Отцем и со Святым Духом сокрушение о гресех и благодарение за вся всегда да приносим, славяще Его во веки веков. Аминь.

(52)